Görünməz manyak

Öz təcrübələrinə qapılan bir alim insanı tamamilə görünməz edən xüsusi məhlul kəşf edir. Həmkarları onun nəzəriyyəsini lağa qoyduqda isə tədqiqatçı qəzəbini cilovlaya bilmir. Nəticədə bir neçə iş yoldaşını qətlə yetirən professor ruhi xəstəxanaya yerləşdirilir.

Qapalı müəssisədən qaçmağı bacaran alim izini itirmək üçün bir universitetdə müəllim kimi işə düzəlir. O, tələbələrə dərs deməklə yanaşı, gizli şəkildə yarımçıq qalmış elmi araşdırmalarını davam etdirir.

ABŞ istehsalı olan «The Invisible Maniac» filmi 1990-cı ildə rejissor Adam Rifkin tərəfindən çəkilib. Fantastika, komediya və qorxu janrlarını birləşdirən layihədə əsas rolları Melissa Mur, Robert R. Ross Jr., Sindi Maranne və Donald S. Llorens ifa edirlər.