Xchange

Biotexnologiyanın inkişafı sayəsində şüuru başqa bədənlərə köçürməklə məsafələri anında qət etmək mümkünləşir. Nüfuzlu şirkətin rəhbəri qətlə yetirildikdən sonra Stiven Toffler bu texnologiya vasitəsilə San-Fransiskoya yollanır. Lakin bir müddət sonra onun əsl bədəni yoxa çıxır və geriyə qayıtmaq yolu bağlanır.

Tofflerin öz bədənini tapması üçün cəmi iki gün vaxtı qalır, əks halda o həyatını itirəcək. Şəhərdə onun bu müddətdən də tez ölməsini istəyən qüvvələr var və bu da vəziyyəti daha da təhlükəli edir.

Kanada istehsalı olan «Xchange» elmi-fantastik trilleri 2000-ci ildə ekranlara çıxıb. Filmin rejissoru Allan Moyledir, baş rolları isə Kayl Makloklen, Frenk Fonteyn, Emma Kempbell və Larri Dey canlandırıblar.