İzolyasiya

İrlandiyanın ucqar kəndində yerləşən Den Reylinin ferması dağılmaq üzrədir. Təsərrüfatı saxlamaqda çətinlik çəkən ferma sahibi vəziyyətdən çıxış yolu axtarır. Pul qazanmaq üçün o, yerli biotexnologiya laboratoriyasının təklifini qəbul edir və öz mal-qarası üzərində genetik sınaqların aparılmasına icazə verir.

Lakin laboratoriya təcrübəsi gözlənilməz nəticələr verir və nəzarətdən çıxır. Həmin vaxt fermada olan beş nəfər yaranmış təhlükəli vəziyyətin girovuna çevrilir. Ətraf mühitdən təcrid olunmuş insanlar baş verənlərdən qaçmağın mümkün olmadığı məkanda iyirmi dörd saat keçirməli olurlar.

«İzolyasiya» (Isolation) elmi-fantastik qorxu filmi rejissor Billi O`Brayen tərəfindən çəkilib. ABŞ, Böyük Britaniya və İrlandiya istehsalı olan ekran əsərində Con Linç, Marsel Yureş, Krispin Letts və Essi Devis rol alıblar. Ekran işi 2005-ci ildə təqdim edilib.