Puls

On bir yaşlı Devid tətili atası və onun yeni həyat yoldaşı ilə keçirmək üçün Koloradodan Kaliforniyaya yola düşür. Lakin qonaq gəldiyi evdə tezliklə qəribə və izaholunmaz hadisələr cərəyan etməyə başlayır. Məişət cihazları və elektrik xətləri insanlara tabe olmaqdan çıxır.

Bütün elektrik şəbəkəsi sanki yad qüvvələrin təsiri altına düşür və ya vahid şüur qazanır. Məişət texnikasını idarə edən bu qorxunc kollektiv zəka şəhərətrafı qəsəbənin sakinlərini bir-bir aradan qaldırmağa girişir. İnsanlar gündəlik istifadə etdikləri cihazların hücumu ilə üz-üzə qalırlar.

ABŞ istehsalı olan «Pulse» adlı qorxu və fantastika filmi 1988-ci ildə ekranlara çıxıb. Ekran əsərinin rejissoru Pol Qoldinqdir. Əsas rolları Mayron Hili, Çarlz Tayner, Maykl Rayder və Cin Sinsere canlandırıblar.