Bataqlıq məxluqu

Gizli laboratoriyada çalışan doktor Alek Holland bitki və heyvan hüceyrələrini birləşdirən xüsusi bir hibrid növ yaratmaq üçün təcrübələr aparır. Həlak olmuş həmkarını əvəzləmək məqsədilə tədqiqat mərkəzinə gələn Elis Keybl yeni iş mühiti ilə tanış olur. Lakin laboratoriyaya qəfil basqın edən silahlı qrup alimin gizli ixtiralarını ələ keçirməyə cəhd göstərir.

Öz elmi kəşflərini yad əllərdən qorumağa çalışan Holland mübarizə zamanı kimyəvi maddələrin təsirinə məruz qalır. Üzərinə dağılan məhlul alovlanır və alim canını qurtarmaq üçün yaxınlıqdakı bataqlığa tullanır. Beləliklə, sirli maddələr onun bədənini tanınmaz hala salaraq yeni bir varlığa çevirir.

1981-ci il istehsalı olan «Swamp Thing» filmi ABŞ-da rejissor Ues Kreyven tərəfindən çəkilib. Fantastika və qorxu janrında olan layihədə baş rolları Nannett Braun, Bill Erikson, Lui Jurdan və Edriyenn Barbo canlandırır.