Dadlı zibil

Mədənçilər təsadüfən yerdə qatılaşdırılmış südə bənzəyən yapışqan və şirin bir maddə aşkar edirlər. Çox keçmədən bu tapıntı mağazalara çıxarılır və «The Stuff» adı ilə satılan desert kimi bütün ölkədə sürətlə populyarlaşır. Yeni məhsul dondurma bazarını sıxışdıraraq ənənəvi şirniyyat sektorunu ciddi təhlükə altına salır.

Satışların azalmasından narahat olan şirkət rəhbərləri vəziyyətdən çıxış yolu axtarmağa başlayırlar. Onlar desertin sirrini öyrənmək və onu aradan qaldırmaq üçün keçmiş FTB əməkdaşı Devid Ruterford və iflas ərəfəsində olan sahibkar Çarli Hobbsu işə götürürlər. Araşdırma zamanı Devid məhsulun əslində insan zehnini ələ keçirən, insanları aqressiv canlılara çevirən və onları daxildən məhv edən canlı parazit olduğunu üzə çıxarır.

«The Stuff» filmi 1985-ci ildə ABŞ-da rejissor Larri Koen tərəfindən lentə alınıb. Qorxu, komediya və fantastika janrlarını birləşdirən ekran əsərində əsas rolları Edvard Pauer, Brayan Blum, Devid Snell və Liza Krosbi canlandırıblar.