Doktor Moronun adası

Sakit okeanın cənub sularında baş verən təyyarə qəzasından yalnız BMT əməkdaşı Edvard Daqlas sağ çıxır. Neyrocərrah Montqomeri huşunu itirmiş vəziyyətdə olan qəza qurbanını xilas edərək kimsəsiz bir adaya gətirir. Özünə gələn Edvard burada baş verən qəribəliklərlə üzləşir.

Məlum olur ki, bu məkan heyvanlar üzərində təhlükəli genetik təcrübələr aparan doktor Moroya məxsusdur. Alim vəhşi canlıları insanabənzər məxluqlara çevirir və bütün ərazi bu cür heyvan-insan hibridləri ilə doludur. Moro öz yaratdıqlarını itaətdə saxlamaq üçün onların bədəninə xüsusi ağrıverici sensorlar yerləşdirib.

ABŞ istehsalı olan «The Island of Dr. Moreau» fantastik triller filmi 1996-cı ildə ekranlara çıxıb. Ekran əsərinin rejissorları Con Frankenhaymer və Riçard Stenlidir, baş rolları isə Devid Tyulis, Temuera Morrison, Piter Elliott və Kler Qrant canlandırıb.