Ölümcül dost

Elmə böyük marağı olan on beş yaşlı Pol Konvey süni intellekt sahəsində təhsil almaq üçün kiçik bir şəhərə köçür. O, özünün yaratdığı BiBi adlı robotla vaxt keçirir və burada qonşuluqda yaşayan Samanta ilə tanış olur. Gənclər tez bir zamanda yaxınlaşır və birlikdə vaxt keçirməyə başlayırlar.

Baş verən faciəvi hadisələr Polun dostlarını əlindən alır. Sevdiyi qızın itkisi ilə barışa bilməyən gənc alim texnoloji biliklərindən istifadə edərək onu yenidən həyata qaytarmaq qərarına gəlir. Lakin bu təhlükəli addım ətrafdakılar üçün gözlənilməz və qorxulu nəticələrə yol açır.

«Deadly Friend» filmi 1986-cı ildə ABŞ-da istehsal olunub. Elmi-fantastika və qorxu janrında çəkilmiş ekran əsərinin rejissoru Ues Kreyvendir. Əsas rolları Riçard Markus, Enn Remsi, Maykl Şarrett və Tom Spretli canlandırıblar.