Dəmir

Qlobal fəlakətdən sonrakı dövrdə Mo adlı gənc Stalkerdən qəribə bir mexaniki kəllə alır. O, bu kiber detalı metal heykəllər düzəldən sevgilisi Cillə hədiyyə etmək qərarına gəlir. Detal qızın emalatxanasında digər metal qırıntılarının arasına qoyulur.

Çox keçmir ki, tapıntının güclü süni intellektə malik MARK-13 adlı hərbi döyüş robotuna aid olduğu aydınlaşır. Tərk edilmiş mexanizm qəflətən oyanır və fəaliyyətə keçir. Həmin kibernetik varlıq ətrafdakı dəmir parçalarından istifadə edərək öz bədənini yenidən yığmağa başlayır.

«Hardware» adlı bu fantastik qorxu filmi 1990-cı ildə Böyük Britaniyada çəkilib. Ekran əsərinin rejissoru Riçard Stenlidir. Əsas rolları Steysi Trevis, Karl MakKoy, Pol MakKenzi və Barbara Yu Linq canlandırıb.