Ölümcül nəsil

Yerə düşən meteoritin ardınca gedən iki turist yadplanetli varlığın qurbanına çevrilir. Qana susamış bu yad məxluq yaxınlıqdakı yaşayış evinin zirzəmisinə sığınır. Burada o, sürətlə böyüyərək özünə çoxsaylı nəsil yetişdirməyə başlayır.

Zirzəmidə gizlənən bədheybətlər əvvəlcə evdə yaşayan ər-arvadı məhv edir. Lakin həmin binada daha bir ailə də məskunlaşıb və canavarların yeni hədəfi onlar olur. Qorxu içində qalan insanlar amansız yırtıcılara yem olmamaq üçün yadplanetli ordu ilə açıq mübarizəyə qoşulurlar.

«Ölümcül nəsil» (The Deadly Spawn) elmi-fantastika və qorxu janrında çəkilmiş ABŞ filmidir. Rejissor Duqlas Makkyuenin 1982-ci ildə təqdim etdiyi ekran əsərində baş rolları Robert Bohus, Elizabet Marner-Bruks, Con Şmerlinq və Tom DeFranko canlandırıb.