Bədən oğruları

Yuxu insan üçün ən təhlükəli tələyə çevrilir, çünki qorxulu dəyişiklik məhz bu zaman baş verir. İnsan gözlərini yuman kimi qəribə qarmaqlar qulaqlardan və burun boşluğundan bədənin içinə sızır. O andan etibarən insan artıq əvvəlki kimi qalmır və öz varlığını tamamilə itirir.

Qurbanlar yad varlıqlar tərəfindən ələ keçirildiyini heç fərqinə də varmırlar. Əsl şəxsiyyət yox olur, yerində isə sadəcə onun bədənini idarə edən saxta surət qalır. «Body Snatchers» qorxu və fantastika filmi insanların yuxuda olarkən bədənlərinin oğurlanması təhlükəsini əks etdirir.

ABŞ istehsalı olan bu ekran əsəri 1993-cü ildə rejissor Abel Ferrara tərəfindən çəkilib. Əsas rolları Meq Tilli, Kristin Eliz, Raylli Mörfi və C. Elvis Fillips canlandırıblar.