Toyuq zombilərin hücumu

Sevgilisindən ayrılan Arvi adlı gənc təzəcə fəaliyyətə başlayan «American Chicken» fastfud restoranında işə düzəlir. Lakin onun ilk iş günü gözlənilməz çətinliklərlə üzləşir. Restoranın qarşısında obyekti bağlatdırmaq istəyən etirazçılar toplaşır və onların arasında Arvinin keçmiş sevgilisi də yer alır.

Çox keçmədən məlum olur ki, bu yeməkxana qədim hindu qəbiristanlığının üzərində tikilib. Müqəddəs yerin təhqir olunmasına qəzəblənən ruhlar qisas almaq üçün menyudakı təamlara daxil olurlar. Həmin yeməkləri yeyən hər kəs qısa zamanda insanyeyən qana susamış toyuq-zombilərə çevrilərək ətrafdakılara hücum çəkməyə başlayır.

«Toyuq zombilərin hücumu» adlı musiqili dəhşət və komediya filmi amerikalı rejissor Lloyd Kaufman tərəfindən lentə alınıb. ABŞ istehsalı olan bu film 2006-cı ildə ekranlara çıxıb. Əsas rolları Ceyson Yaçanin, Rut Felps, Ron Ceremi və Coşua Olatyund canlandırıb.