Moskva 2017

Hadisələr yaxın gələcəkdə cərəyan edir. Mixail Qalkin ətrafında baş verən qəribə dəyişiklikləri və ilk baxışdan bir-biri ilə əlaqəsi olmayan hadisələri sezməyə başlayır. Nəticədə o, qlobal bir gizli sövdələşmənin mövcudluğunu aşkar edir.

Qəhrəman tezliklə anlayır ki, bu proseslərin arxasında dünyanı idarə edən və bəşəriyyətə aidiyyəti olmayan gizli qüvvələr dayanır. Reallığı dərk edən Mixail həmin qeyri-insani qüvvələrə qarşı uduzmağın mümkün olmadığı qətiyyətli bir mübarizəyə girişir.

ABŞ istehsalı olan «Moskva 2017» (Branded) adlı elmi-fantastik triller filmi 2012-ci ildə ekranlara çıxıb. Ekran əsərinin quruluşçu rejissorları Aleksandr Dulerayn və Ceymi Bredşoudur. Əsas obrazları Ed Stoppard, Miriam Sekhon, Andrey Kaykov və Con Laskovski canlandırıblar.