Zombi striptizçilər!

Corc Buşun dördüncü prezidentlik dövründə ABŞ ordusu İraqdakı hərbi əməliyyatlarda kəskin əsgər çatışmazlığı ilə üzləşir. Çıxış yolu axtaran hərbi alimlər ölüləri dirildərək onları başları vurulana qədər döyüşən qüsursuz əsgərlərə çevirən xüsusi virus hazırlayırlar. Lakin laboratoriya sınaqları nəzarətdən çıxır və virus sürətlə yayılmağa başlayır.

Artan zombi təhlükəsini məhv etmək üçün əraziyə piyada əsgərlər göndərilir. Döyüş zamanı Berd Flü ləqəbli hərbçini yoluxmuş şəxs dişləyir. Karantin xəttini yarmağı bacaran əsgər təsadüfən «Rhino's» adlı striptiz klubuna daxil olur.

ABŞ istehsalı olan «Zombie Strippers!» filmi 2008-ci ildə rejissor Cey Li tərəfindən çəkilib. Fantastik qorxu komediyasında rolları Adam Smit, Qari Kraus, Trevis Vud və Cenni Floyd canlandırıblar.