Qarğalar

ABŞ-nin Middltaun adlı kiçik şəhərində fermer Klaydın təsərrüfatında bir neçə inək quduzluğa yoluxaraq tələf olur. Baytarlıq xidmətinin digər heyvanları məhv etməsindən çəkinən fermer bu hadisəni gizlətmək qərarına gəlir. Meyitləri yeyən yerli qarğalar təhlükəli xəstəliyə yoluxur və virus quşlara da keçir.

Klayd quşları qovmaq üçün heyvan cəsədlərini yandırsa da, bu addım qarğaları daha da aqressivləşdirir. Nəticədə quşlar şəhər sakinlərinə hücum etməyə başlayır. «Qarğalar» filmi gizlədilən bir təhlükənin bütün qəsəbə üçün necə böyük bir fəlakətə çevrildiyini təsvir edir.

Qorxu və triller janrında çəkilmiş bu elmi-fantastik ekran əsərinin rejissoru Şeldon Uilsondur. 2006-cı ildə ABŞ və Kanadanın birgə istehsalı ilə ərsəyə gələn ekran işində rolları Renessa Blits, Vladimir Bondarenko, Qrey Pauell və Emma Nayt ifa edirlər.