H0us3

Rafa və Lüsiya köhnə tələbə yoldaşlarını həftəsonunu birlikdə keçirmək üçün şəhərdən kənardakı evlərinə dəvət edirlər. Qonaqlar sakit təbiət qoynunda toplaşır, keçmiş günləri xatırlayır və şərab içirlər. Şam yeməyi zamanı proqramlaşdırma üzrə istedadı olan Rafa internetdə çox gizli bir arxiv tapdığını və onu sındırmağı bacardığını etiraf edir.

Həmin proqramı adi smartfona yükləməklə gələcəyə otuz saniyəlik baxmaq mümkündür. Dostlar bunu maraqlı bir əyləncə hesab edərək sınaqdan keçirməyə qərar verirlər. Lakin bu addım onları həm bəşəriyyətin taleyini, həm də şəxsi həyatlarını təhlükəyə atan qorxulu bir prosesin içinə sürükləyir.

«H0us3» adlı İspaniya istehsalı olan elmi-fantastik trilleri rejissor Manolo Munqiya lentə alıb. 2018-ci ilin filminin əsas rollarında Orson, Mariona Tena, Miriam Tortoza və Mariola Fuster çəkiliblər.