Ximera

Zülal sintezi üzrə tədqiqatlar aparan iki gənc alim rəhbərlikdən gizli şəkildə qadağan olunmuş təcrübəyə əl atır. Onlar insan və heyvan genlərini birləşdirərək yeni bir hibrid canlı yaratmaq qərarına gəlirlər.

Təcrübə nəticəsində doğulan qeyri-adi varlığı laboratoriyada saxlamaq təhlükəli olduğundan, onu gizlicə oradan çıxarırlar. Mütəxəssislər yaratdıqları bu canlını gizlədərək ona öz övladları kimi baxmağa və tərbiyə etməyə başlayırlar.

2009-cu ildə ekranlara çıxan «Splice» fantastik qorxu filmi ABŞ, Kanada və Fransa istehsalıdır. Ekran əsərinin rejissoru Vinçentso Natali, baş rolların ifaçıları isə Sara Polli, Brendon Makqibon, Ebiqeyl Çu və Daq Hiktondur.