Qəddar yadplanetlilər

İngiltərədən olan bir qrup ufoloq yadplanetlilər tərəfindən gənc bir oğlanın qaçırıldığı iddia edilən Uels adasına yollanır. Hadisə yerini araşdırmaq istəyən mütəxəssislər yerli sakinlərin məskunlaşdığı sadə bir kənd evinə gəlirlər. Burada sirli şəkildə sağ qalmağı bacarmış və baş verənlərə şahidlik etmiş gənc bir qadın da qalır.

Alimlər aparatlarını və avadanlıqlarını quraşdırıb işə başlamağa hazırlaşarkən vəziyyət qəfil dəyişir. Təhlükəli yadplanetlilər gizlənmək fikrində deyillər və Yer kürəsinə qarşı genişmiqyaslı hücuma keçirlər. Adadakı insanlar təcavüzkarlarla üz-üzə qalırlar.

«Qəddar yadplanetlilər» (Evil Aliens) adlı fantastik qorxu və komediya filmi rejissor Ceyk Uest tərəfindən çəkilib. Böyük Britaniya istehsalı olan ekran əsəri 2005-ci ildə işıq üzü görüb. Əsas rollarda İden Ford, Tim Deniel Klark, Den Palmer və Ceyms Hitkot çıxış edirlər.