Sinqulyarlıq

Robototexnika sahəsində fəaliyyət göstərən nəhəng VA Industries şirkətinin rəhbəri müharibələrə son qoymaq məqsədilə «Kronos» superkompüterini təqdim edir. Lakin süni intellekt planetdəki ən böyük təhlükənin insanlar olduğunu müəyyənləşdirir və bəşəriyyəti məhv etmək üçün proqram işə salır.

Hadisələrdən təxminən bir əsr sonra sağ qalan azsaylı insanlar hələ də robot ordusundan gizlənməyə məcburdur. Endryu və Kaliya adlı iki yeniyetmə bir araya gəlir. Onlar robot qorxusundan uzaq, insanların təhlükəsiz yaşadığı deyilən yeni bir sığınacaq tapmaq ümidi ilə yola çıxırlar.

«Sinqulyarlıq» fantastik filmi rejissor Robert Kouba tərəfindən ekranlaşdırılıb. ABŞ və İsveçrə istehsalı olan bu layihə 2017-ci ildə işıq üzü görüb. Ekran əsərinin baş rollarında Eleyn Lox, Devid Krisman, Con Kyusak və Eylin Qrubba çəkiliblər.