Devil's Gate

FTB əməkdaşı Darina Frensis yoxa çıxmış Mariya Pritçard və onun azyaşlı oğlu Conun axtarışına başlayır. İtkin düşən qadının bacısı şübhəli şəxs qismində ər Cekson Pritçardı göstərir. Şəhərdən əlli mil aralıdakı fermaya çatanda bu ehtimallar daha da güclənir: evin pəncərələri taxtalanıb, hasar tikanlı məftillərlə örtülüb, ətrafa tələlər qurulub və kişinin özü də ağlını itirmiş kimi davranır.

Agent Frensis yerli polis Solterlə birlikdə Ceksonu nəzarətə götürsə də, oradan uzaqlaşa bilmirlər. Birdən-birə bütün avtomobillər sıradan çıxır, telefonlar sönür və güclü qasırğa başlayır. Təhqiqatçılar həbs etdikləri müəmmalı şəxslə birlikdə ucqar malikanədə gecələmək məcburiyyətində qalırlar.

2017-ci ildə ekranlara çıxan «Devil's Gate» qorxu və elmi-fantastika janrında çəkilmiş Kanada filmidir. Layihənin rejissoru Kley Staubdur, əsas rolları Amanda Şall, Bricet Riqan, Sebastyen Kroto və Xavyer Botet paylaşıblar.