Electric Child

Sonni adlı İT mütəxəssisi yeni tipli süni intellekt layihəsi üzərində çalışır. Onun yaratdığı rəqəmsal avatar virtual mühitdə sağ qalmaq və inkişaf etmək üçün təcrübələr keçir. Lakin alimin ailəsində baş verən hadisə hər şeyi dəyişir: onun yeni doğulmuş körpəsinə sağalmaz xəstəlik diaqnozu qoyulur.

Oğlunun həyatını xilas etmək istəyən ata çarəsiz vəziyyətdə öz ixtirası ilə razılaşma bağlamağa qərar verir. Süni intellektlə qurulan bu sövdələşmə körpəni xilas etmək cəhdi olsa da, qısa müddətdə bəşəriyyət üçün böyük təhlükəyə çevrilir.

«Electric Child» adlı elmi-fantastik filmin rejissoru Simon Jakemdir. 2024-cü ildə təqdim edilən layihə Almaniya, Niderland, İsveçrə və Filippin birgə istehsalıdır. Filmdə əsas rolları Helen Şnayder, Rila Fukusima, Qreq Orvis və Lotte Milder canlandırıb.