The Abandon

İraqdakı döyüşlər zamanı yaralanan amerikalı əsgər Maylz Uillis kömək çağırmağa çalışarkən parlaq işıq şüası ilə qarşılaşır. Gözlərini açdıqda o, üzərində yalnız hərbi təchizatı olan naməlum və sirli bir kubun içində qaldığını görür.

Zaman keçdikcə bu qapalı məkanda temperatur dəyişməyə, cazibə qüvvəsi pozulmağa başlayır və divarlarda qəribə yazılar peyda olur. Maylzın əlindəki peyk telefonu onun xarici aləmlə yeganə əlaqə vasitəsinə çevrilir. Xəttin digər ucunda oxşar vəziyyətə düşmüş bir qadının səsini eşidən əsgər, oradan xilas olmaq və onları kimin qaçırdığını öyrənmək üçün onunla birgə hərəkət etməlidir.

«The Abandon» elmi-fantastik trilleri Ceyson Satterlund tərəfindən çəkilib. 2022-ci il istehsalı olan ABŞ filmində əsas rolları Den Kayl, Prissilla Avila, Conatan Rozental və Recis Terensiu canlandırır.