Cam

Elis onlayn platformada erotik strimlər edərək pul qazanır. Qız reytinqdə irəliləmək və ən populyar əlli model sırasına düşmək üçün bütün gücünü ortaya qoyur. İzləyicilərin diqqətini çəkmək məqsədilə hər kəsin cəsarət etmədiyi riskli və qeyri-adi şoular hazırlayır.

Məqsədinə lap az qalmış o, qəfildən öz profilinə daxil ola bilmir. Çox keçmədən Elis dəhşətlə görür ki, hesabı yenidən aktivdir və ekranda onun tam oxşarı canlı yayıma başlayıb.

ABŞ istehsalı olan «Cam» triller filmi 2018-ci ildə rejissor Daniel Qoldhaber tərəfindən çəkilib. Fantastik süjetli layihədə əsas rolları İmani Hakim, Cessika Parker Kennedi, Patrik Darro və Karl Donelson canlandırırlar.