Doktor Streynclov və ya Mən necə narahat olmağı dayandırıb atom bombasını sevməyi öyrəndim

Hava bazasının komandiri general Cek D. Ripper qəribə bir qorxunun əsirinə çevrilir. O, kommunistlərin amerikalıların bədən şirələrini mənimsəməyə çalışdığına inanaraq, tabeliyindəki nüvə silahı daşıyan bombardmançı təyyarələri dərhal SSRİ-ni vurmağa göndərir.

Faciənin qarşısını almaq üçün ABŞ prezidenti Maffli təcili surətdə müşavirlərini bir araya toplayır. Hərbi otaqda toplaşan general Tergidson və əlil arabasındakı keçmiş nasist alimi doktor Streynclov fəlakəti dayandırmaq üçün müxtəlif təkliflər irəli sürürlər.

1963-cü ildə ekranlara çıxan «Dr. Strangelove or: How I Learned to Stop Worrying and Love the Bomb» filminin rejissoru Stenli Kubrikdir. ABŞ və Böyük Britaniyanın birgə istehsalı olan bu kinoda əsas rolları Piter Sellers, Corc K. Skott, Sterlinq Heyden və Kinen Uinn canlandırırlar.