Fəzadan gələn rəng

Natan Qardner həyat yoldaşı və üç övladı ilə birlikdə şəhərdən uzaqda, sakit bir fermada yaşayır. Bir gecə evlərinin yaxınlığına düşən meteorit ailənin sakitliyini pozur. Səhəri gün həmin göy daşı qəflətən yoxa çıxsa da, düşdüyü yerdə qəribə güllər bitir, televizor və mobil rabitə isə xətalarla işləməyə başlayır.

Ərazidəki suyun vəziyyətini yoxlamağa gələn hidroloq bu suyu içməyin təhlükəli olduğunu bildirsə də, Qardnerlər buna məhəl qoymur. Xəbərdarlığa etinasız yanaşan ailə üzvləri çox keçmədən özlərini qəribə aparmağa və dəyişməyə başlayırlar.

«Color Out of Space» («Fəzadan gələn rəng») adlı elmi-fantastik qorxu filmini rejissor Riçard Stenli ərsəyə gətirib. ABŞ, Portuqaliya və Malayziyanın birgə istehsalı olan bu film 2019-cu ildə nümayiş olunub. Baş rollarda Brendan Meyer, Melissa Nirman, Elliot Nayt və Tommi Çonq çəkiliblər.