Volition

Ceyms gələcəyi görmək qabiliyyətinə malikdir, lakin bu istedadından yalnız xırda fırıldaqlar yolu ilə pul qazanmaq üçün istifadə edir. Günlərin bir günü ona almazların qaçaqmalçılığı üzrə təhlükəli bir əməliyyatda iştirak etmək təklif olunur.

Qiymətli daşları götürən baş qəhrəman gözlənilməz problemlə üzləşir. İki cinayətkar onu qarət etmək qərarına gəlir və arxasına düşür. Ceyms öz bəsirətindən faydalanaraq təqibçilərindən qurtulmağa və vəziyyətdən çıxış yolu tapmağa çalışır.

«Volition» adlı fantastik triller filmi kanadalı rejissor Toni Din Smit tərəfindən çəkilib. 2019-cu il istehsalı olan bu kinoda baş rolları Aleksandr Fleqer, Blu Mankuma, Darsi Hinds və Aleks Paunoviç canlandırıb.