Radius

Avtomobil qəzasından sonra gözlərini açan Liam yaddaşını büsbütün itirdiyini anlayır. Ətrafdan kömək istəməyə çalışan kişi hər addımda yalnız naməlum səbəbdən həyatını itirmiş insanların cəsədləri ilə qarşılaşır. İlkin olaraq o, havadakı təhlükəli bir virusun kütləvi ölümə yol açdığını zənn edir.

Çox keçmədən Liam qorxunc bir həqiqətlə üzləşir: ona on beş metr məsafədən artıq yaxınlaşan hər kəs dərhal dünyasını dəyişir. Özü də fərqində olmadan ölüm saçan baş qəhrəman bu təhlükəli radiusun səbəbini tapmağa və keçmişini xatırlamağa çalışır.

«Radius» adlı fantastik qorxu filmi Kanada istehsalıdır və 2017-ci ildə işıq üzü görüb. Ekran əsərinin rejissor kürsüsündə Kerolayn Labreş və Stiv Leonard əyləşib. Baş rolları Kristen Savatski, Holli Bernye, Robert Borqes və Şon Skin canlandırıb.