Dirilənlər

Vatikan yaxın gələcəkdə dünyasını dəyişmiş insanları həyata qaytarmağın yolunu tapır və ilk olaraq qəzada ölən Nik adlı uşağı dirildir. İllər keçdikcə bəşəriyyət iki cəbhəyə bölünür: dirilmə hüququnu müdafiə edənlər və bu təcrübəyə qəti qarşı çıxanlar. Nikin atası Stenli isə kilsənin tərəfində yer alaraq dirilənlər üçün virtual ibadətlər təşkil etməyə başlayır.

İbadət iştirakçılarından biri kütləvi qətliam törətdikdə Stenli buna bənzər hadisələrin əvvəllər də baş verdiyini və gizlədildiyini öyrənir. Təhlükənin ailəsinə yaxınlaşdığını görən ata gizli məsələləri araşdırmağa qərar verir. Beləliklə, o, bütün bəşəriyyət üçün fəlakətə səbəb ola biləcək böyük bir qəsdin izinə düşür.

«Resurrected» adlı qorxu və fantastika filmini rejissor Yeqor Baranov çəkib. 2022-ci ildə ABŞ-da istehsal olunmuş ekran əsərində Qreq Brayan, Maykl Vilyar və Maykl Antosi kimi aktyorlar rol alıb.