Ağıl tələsi

Böyük sığorta şirkətində hüquqşünas işləyən Frenk zərərçəkmiş müştəriyə dörd milyon dollar ödəməmək üçün qanunda boşluq tapır. Tapıntısını səhəri gün rəhbərliyə təqdim etməlidir və bu addım ona çoxdan gözlədiyi vəzifə artımını vəd edir. Həlledici görüş ərəfəsində o, vaxtını evdə xanımı ilə keçirmək əvəzinə dostunun dəvəti ilə gecə klubuna yollanır. Orada qızlarla tanış olan Frenk şübhəli bir şəxsin təklif etdiyi qəribə maddəni qəbul edir.

Yad mənzildə təkbaşına ayılan qəhrəman pul kisəsinin və tanışlarının yoxa çıxdığını görür. Vacib iş görüşünə cəmi iki saat vaxt qalır və Frenk tələsik evə doğru istiqamət alır. Lakin o, zaman axarında və gerçəklikdə çox qəribə hadisələrin baş verdiyini anlamağa başlayır.

ABŞ istehsalı olan «Ağıl tələsi» (The Wave) elmi-fantastik triller filmi 2019-cu ildə rejissor Qille Klabin tərəfindən çəkilib. Əsas rollarda Tommi Flanaqan, Donald Feyson, Mark Tiç və Sanford Kelli çıxış edirlər.