Dünyaların müharibəsi

Daxili Təhlükəsizlik Nazirliyində analitik vəzifəsində çalışan Vilyam Redford ölkə vətəndaşlarının rəqəmsal cihazlarına birbaşa çıxış əldə edir. O, xidməti fəaliyyəti zamanı hakerləri və təhlükəli cinayətkarları izləyir. Həyat yoldaşını itirdikdən sonra isə diqqətini övladları Devid və Feytə yönəldərək monitorlar vasitəsilə onların təhlükəsizliyinə nəzarət edir.

Planetə meteoritlərin düşməsi ilə vəziyyət kəskin şəkildə dəyişir. NASA-da çalışan dostu doktor Sandra Salas Yer kürəsinə yadplanetlilərin hücum etdiyini bildirir. Yadplanetli qüvvələrin əsas hədəfinin rəqəmsal məlumat bazaları olduğu məlum olduqda, analitik informasiyanı qorumaq və yadplanetlilərə müqavimət göstərmək məcburiyyətində qalır.

«Dünyaların müharibəsi» elmi-fantastik triller filminin rejissoru Riç Lidir. ABŞ və Almaniya istehsalı olan bu ekran əsərində əsas rolları Klark Qreqq, Oliviya DeLaurentis, Nikol Pulliam və Mett Korboy canlandırır. Film 2025-ci ildə nümayiş olunub.