Zaman döngəsi

Hektor həyat yoldaşı ilə birlikdə şəhərdən kənardakı evində sakit günlər keçirir. Meşəlik ərazidə yarıçılpaq bir qadının kölgəsini görən kimi marağına güc gələ bilmir. Nələr baş verdiyini anlamaq məqsədilə ağacların arasına doğru addımlayır.

Meşədə onu xoşagəlməz hadisə gözləyir: üzü qanlı sarğılarla örtülmüş naməlum şəxs qəfildən Hektora hücum çəkir. Təqibdən qurtulmaq üçün qaçan kişi təsadüf nəticəsində zaman maşınına daxil olur.

İspaniya istehsalı olan «Los cronocrímenes» trilleri 2007-ci ildə ekranlara çıxıb. Filmin rejissoru Naço Viqalondodur, əsas rolları isə Xuan İnsyarte, Barbara Qoenaqa, Naço Viqalondo və Kandela Fernandes canlandırıblar.