Sonda Con öləcək

Deyv Von adlı qəribə bir gənc jurnalistlə görüşərək başından keçən qeyri-adi hadisələri danışır. Cəmi iki il əvvəl o və dostu Con tamamilə adi məktəbli idilər. Əyləncə gecələrinin birində Deyv telepatiya qabiliyyətinə malik bir yamaykalı ilə tanış olur, Con isə böyük bir dəstə ilə onun evinə gedərək «soya sousu» adlanan naməlum maddəni qəbul edir.

Qorxunc görüntülərdən əziyyət çəkən dostunu xilas etmək üçün gecə vaxtı onun yanına tələsən Deyv də təsadüfən bu sirli maddənin təsiri altına düşür. Həmin andan etibarən hər iki gəncin gördüyü və bildiyi dünya büsbütün dəyişir.

«John Dies at the End» filmi 2012-ci ildə ABŞ-da rejissor Don Koskarelli tərəfindən ekranlaşdırılıb. Fantastika, komediya və qorxu janrlarını birləşdirən ekran əsərində Rob Mayes, Maykl K. Şmidt, Çak Uilyams və Pet Maknili kimi aktyorlar çəkiliblər.