Psycho Goreman

Luka və Mimi adlı iki balaca qardaş-bacı həyətdə oynayarkən qəribə parıldayan bir daş tapırlar. Bu tapıntı başqa planetdən olan dəhşətli sərkərdəni tamamilə idarə etməyə imkan verir. İnadkar Mimi dərhal bu yadplanetlini öz tabeçiliyinə keçirir və ona Qaniçən Dəli adını qoyur.

Bütün kainatı məhv etmək arzusunda olan nəhəng bədheybət indi şıltaq qızcığazın axmaq istəklərini yerinə yetirməyə məcbur qalır. Bu vaxt uzaq qalaktikalardakı ittifaq qədim düşmənlərinin Yer kürəsində oyandığını xəbər tutur və onu birdəfəlik məhv etmək üçün hərəkətə keçir.

«Psycho Goreman» fantastik komediya filmi 2020-ci ildə Kanadada istehsal olunub və rejissoru Stiven Kostanskidir. Layihədə əsas rolları Kris Neş, Mettyu Kennedi, Adam Bruks və Konor Suini canlandırıblar.