Otbiçən adam

Alim Lourens Ancelo riskli elmi tədqiqata başlayır. O, təcrübə obyekti kimi zehni cəhətdən zəif inkişaf etmiş otbiçən Coubu seçir. Tədqiqatçı xüsusi maddələrdən istifadə edərək Coubu virtual reallığın üçölçülü kompüter dünyasına daxil edir. Nəticədə subyektin zehni qabiliyyətləri inanılmaz dərəcədə inkişaf edərək dahi səviyyəsinə yüksəlir.

Lakin proses tezliklə nəzarətdən çıxır, çünki təcrübəyə gizli şəkildə hərbçilər müdaxilə edir. Bu müdaxilə Coubun psixikasını tamamilə sarsıdır və onu insan simasında olan qorxunc bir bədheybətə çevirir. Fövqəladə zəka sahibi olan bu qatil bütün dünyaya hökmranlıq etmək iddiasına düşür.

«Otbiçən adam» (The Lawnmower Man) elmi-fantastik qorxu filmi 1992-ci ildə nümayiş olunub. Böyük Britaniya və Yaponiya istehsalı olan bu ekran əsərinin rejissoru Brett Leonarddır. Əsas rolları Kollin Koffi, Darrell Mapson, Cenni Rayt və Con Smart canlandırıblar.