Nəfəs al!

Qlobal fəlakətdən sonra Yer kürəsində sərbəst nəfəs almaq qeyri-mümkün hala gəlir. İnsanların çox cüzi hissəsi xüsusi sığınacaqlara çəkilərək oksigen generatorları sayəsində sağ qalmağı bacarır. Havanın tükəndiyi bu mühitdə həyati əhəmiyyətli qurğular hər kəsin ələ keçirmək istədiyi ən qiymətli hədəfə çevrilir.

«Nəfəs al!» elmi-fantastik trilleri qızı ilə birlikdə bu cür bunkerdə qalan ananın mübarizəsindən bəhs edir. Sığınacağa kənardan gələn yad adamlar avadanlığı əldə etmək üçün təzyiq göstərməyə başlayırlar. Qadın övladının nəfəs ala bilməsi və ailəsinin sağ qalması naminə hər cür təhlükəyə qarşı durmaq məcburiyyətindədir.

ABŞ istehsalı olan bu filmin rejissoru Stefon Bristoldur. 2023-cü ildə ekranlara çıxan ekran əsərində əsas rolları Cennifer Hadson, Sem Uortinqton, Milla Yovoviç və Ceyms Saito canlandırıb.