Blood Pay

Gələcəyin şəhərini süni intellekt idarə edir və sakinlərin rahatlığını təmin edir. Belə mühitdə yaşayan Con zahirən qayğısız görünsə də, daxili gərginlikdən əziyyət çəkir. O, müasir texnologiyalar vasitəsilə qeyri-adi təcrübə vəd edən sirli «Qanla ödəniş» elanına rast gəlir.

Bu təkliflə maraqlanan Con rəqəmsal varlıq olan Eva ilə qarşılaşır. Onların ünsiyyəti insanla maşın arasındakı fərqi getdikcə aradan qaldırır və reallıq hissini dəyişir.

Qorxu, fantastika və komediya janrlarını birləşdirən «Blood Pay» filminin rejissoru Breys Beltembodur. İtaliya istehsalı olan ekran əsəri 2025-ci ildə işıq üzü görüb. Baş rolları Qloriya Di Manka, Uberto Morozi, Canluka Buzani və Marta D'Ambrozio canlandırıb.