Dəli yadplanetli

Yüksək inkişaf etmiş yadplanetli sivilizasiyanın nümayəndəsi Yer sakinləri ilə diplomatik əlaqələr qurmaq məqsədilə planetimizə göndərilir. Lakin rəsmi görüş zamanı amerikalı nümayəndənin selfi çəkdirmək istəməsi qəzaya səbəb olur. Kosmik gəmi çaya düşür, yadplanetlinin özü isə Çindəki əyləncə parkına enir.

İnsanları ibtidai və inkişafdan qalmış varlıqlar sayan qonaq parkda çalışan iki uğursuz animatorun əlinə keçir. Onu Konqodan gətirilmiş tüksüz meymun zənn edən dostlar yadplanetlinin telekinez cihazını əlindən alır və onu şou nömrələri üçün sərt şəkildə təlim etməyə başlayırlar.

«Feng kuang de wai xing ren» adlı fantastik komediya filmi 2019-cu ildə Çində rejissor Nin Hao tərəfindən çəkilib. Baş rolları Huan Bo, Sü Çjen, Tom Pelfri və Ron Smurenburg canlandırıblar.