Cygnus

Fabian adlı astronom Meksikanın yüksək dağlıq rəsədxanasında yerləşən Böyük Millimetrlik Teleskop vasitəsilə növbətçi müşahidələr aparır. Gecələrin birində cihazlar Cygnus (Q quşu) bürcündən gələn qeyri-adi bir radio siqnal qeydə alır. Kompüter təhlili bu məlumatların həqiqiliyini təsdiqləyir.

Bu kəşfdən dərhal sonra rəsədxana daxilində izahı çətin və qorxulu hadisələr baş qaldırmağa başlayır. Bütün bu təhlükəli anların qəbul edilən naməlum dalğa ilə bilavasitə bağlı olduğuna inanan qəhrəman kəşfinin əsl mənbəyini aydınlaşdırmağa çalışır.

2017-ci il istehsalı olan «Cygnus» fantastik triller filminin rejissoru Uqo Feliks Merkadodur. Meksika istehsalı olan bu ekran əsərində baş rolları Kassandra Çanqerotti, Qustavo Sançes Parra, Xorxe Luis Moreno və Marko Antonio Trevinyo canlandırıb.