DreamKeeper

Yüz yaşa yaxınlaşan qoca Pit öz xalqının qədim tarixini və inanclarını qoruyub saxlayır. Onun on yeddi yaşlı nəvəsi Şeyn isə əcdadlarının keçmişinə biganədir və küçə dəstəsinin üzvü kimi tamamilə fərqli bir həyat tərzi sürür. Dəstədəki yoldaşlarına böyük məbləğdə borclanan gənc çıxış yolunu babasına kömək etməkdə görür.

Şeyn ağsaqqalı Cənubi Dakotadan yüzlərlə mil uzaqlıqda yerləşən Nyu-Meksiko ştatındakı qəbilə şurasına aparmağa razılaşır. Yol boyu Pit nəvəsinə qədim əfsanələri danışaraq bu mirasın unudulmamasını və nəsildən-nəslə ötürülməsini istəyir. Bu uzun səfər və babasının nəsihətləri gəncin dünyaya baxışını tədricən dəyişməyə başlayır.

«DreamKeeper» fentezi-dram filmi rejissor Stiv Bərron tərəfindən lentə alınıb. ABŞ, Kanada və Almaniyanın ortaq istehsalı olan ekran əsəri 2003-cü ildə təqdim edilib. Əsas rolları Avqust Şellenberq, Eddi Spirs, Qəri Farmer və Con Trudell ifa ediblər.