Jaadugar

Xaricdən qayıdan Şankar evində dəhşətli mənzərə ilə qarşılaşır. Atası Caqat Narayan sadə tövsiyə və ucuz kələkləri möcüzə kimi təqdim edərək özünü Tanrı elan edib. Dindən pərdə kimi istifadə edən ata kəndliləri soyur. Şankar qanunsuz yığılan pulları xalqa qaytarmağı tələb etdikdə isə atası doğma oğlundan birdəfəlik imtina edir.

Yalançı möcüzələrə son qoymaq istəyən gənc fəndgirlik yolunu seçir. O, məşhur sehrbaz Qoqanı Dharampura dəvət edir ki, atasının yalanlarını ifşa etsin. Yarışda məğlub olan Caqat nəzarəti itirir və məbəd Qoqanın əlinə keçir. Lakin dəvət olunan sehrbaz oranı tərk etmək istəmir və qarşıdurma böyüyərək heç bir insanın Tanrı ola bilməyəcəyini nümayiş etdirir.

1989-cu ildə Hindistanda çəkilən «Jaadugar» fentezi və komediya janrındadır. Filmin quruluşçu rejissoru Prakaş Mehradır. Əsas rollarda Amitabh Baççan, Vikas Anand, Harbans Darşan və Bharat Bhuşan çıxış ediblər.