Evinced

İnternet məkanında maskalı naməlum bir şəxs ölkənin və dünyanın gələcəyi ilə bağlı təxminlərini əks etdirən videolar paylaşmağa başlayır. Həmin görüntülərdə deyilən proqnozlar təəccüblü dəqiqliklə gerçəkləşdikcə, bu sirli profil qısa zamanda cəmiyyətin və hüquq-mühafizə orqanlarının diqqətini çəkir.

Videoların müəllifini tapmaq üçün təcrübəli bir xəfiyyə genişmiqyaslı axtarışa başlayır. Lakin maskalı peyğəmbər yaxınlaşan böyük bir fəlakətin qarşısını almaq üçün arxasınca düşən dedektivlə birbaşa əlaqə qurub ondan kömək istədikdə vəziyyət tamam dəyişir.

Fantastika və triller janrında çəkilmiş «Evinced» filminin rejissoru Richeler Aladindir. 2022-ci ildə ABŞ-da istehsal olunmuş ekran əsərində əsas rolları Don Kennedy, Xavier Alvarado, Rachel Webb və Ervin Braun canlandırıblar.