CRAM

Yekun qiymətləndirmə vaxtı yaxınlaşsa da, kollec tələbəsi Mark Ləkin yekun işi hələ də hazır deyil. Yoldaşları köçürməyə icazə vermədikdə, o, gecəni universitet kitabxanasında keçirib hər şeyi tələsik yazmaq qərarına gəlir. Lakin həddindən artıq yorğunluq ucbatından masa arxasında yuxuya gedir.

Qaranlıq və qapalı binada ayılanda Mark dəhşətli mənzərə ilə üzləşir: kompüterdəki mətn silinib, əlyazma qeydləri isə yoxa çıxıb. İtmiş layihəsini tapmaq və oradan çıxmaq istəyən gənc zalları araşdırmağa başlayır və burada qorxunc fövqəltəbii hadisələrlə qarşılaşır.

ABŞ istehsalı olan «CRAM» qorxu və fentezi filmi 2021-ci ildə ekranlara çıxıb. Rejissor Ebi Sidellin çəkdiyi layihədə əsas rolları Con DiMino, Brendon Berton, Rolando Çusan və Tobias Arizio canlandırıb.