Mələklə şeytan arasında

Antuan Karko Parisdəki məşhur striptiz kabaresinə rəhbərlik edir və firavan günlər keçirir. Lakin can verən köhnə dostunun gözlənilməz xahişi onu Honkonqa yollanmağa məcbur edir. Tapşırıq isə sadə deyil: yerli uşağı tapıb anasının yanına aparmaq və böyük məbləğdə nağd pulu Fransaya gətirmək. Şərq meqapolisində çinli cinayətkarların hədəfinə çevrilən Antuan uşaqlar qrupuna rəhbərlik edən keşiş Erve Tarenin köməyi sayəsində sağ-salamat qaçmağı bacarır.

Parisə çatdıqdan sonra Antuan vədinə xilaf çıxaraq pulları özünə götürür, uşağı isə yetimxanaya göndərir. Əsəbiləşən keşiş onu lənətləyir və dərhal sonra Antuanın həyatı alt-üst olur. Qəhrəmanın qarşısında vicdanının təcəssümü sayılan və onu addımbaadım izləyən qoruyucu mələk peyda olur.

1995-ci ildə Fransada istehsal olunmuş «Guardian Angels» filminin quruluşçu rejissoru Jan-Mari Puaredir. Baş rollarda Jerar Depardye, Kristian Klavye, Eva Qrimaldi və İv Ranye çəkiliblər.