Cənnət kimi

San-Fransiskoda mənzil icarəyə götürən Devid yeni evində rahatlıq tapmağa çalışır. Çox keçmədən onun qarşısında bura sahib olduğunu iddia edən Elizabet adlı gənc qadın peyda olur. Qonaq gəldiyi kimi qəfil yoxa çıxır, qapı qıfıllarını dəyişmək isə onun qayıdışlarının qarşısını almır. Devid tədricən eyni məkanı bir ruhla bölüşdüyünü anlamağa başlayır.

Divarların arasından maneəsiz keçməsinə baxmayaraq, Elizabet öldüyü fikrini qəbul etmir və həyatda qaldığına inanır. Onlar birlikdə bu qəribə vəziyyətin arxasındakı sirri çözməyə və qadının başına gələnləri öyrənməyə qərar verirlər. Birgə axtarışlar zamanı aralarında hisslər yaranır, lakin birgə gələcək ümidləri getdikcə daha da dumanlı şəkil alır.

«Cənnət kimi» (Just Like Heaven) adlı fantastik melodram filmini 2005-ci ildə rejissor Mark Uoters çəkib. ABŞ istehsalı olan layihədə baş rolları Riz Uizerspun, Mark Ruffalo, Donal Loq və Dina Spaybi canlandırıblar.