Zaman səyyahının arvadı

Kler və Henri ilk dəfə qarşılaşanda qızın cəmi altı, kişinin isə artıq otuz altı yaşı var idi. Onlar yalnız illər sonra, qızın iyirmi üç, Henrinin isə otuz bir yaşı olanda ailə qurdular. Yaş fərqindəki bu qəribəliyin səbəbi Henrinin nadir genetik xəstəlikdən əziyyət çəkməsi və zaman içində qeyri-ixtiyari səyahət etməsidir.

«The Time Traveler's Wife» filmi qeyri-adi xəstəliklə mübarizə aparan cütlüyün həyatından bəhs edir. Ərinin nə vaxt qəfildən yox olacağını bilməyən Kler hər dəfə onun fərqli yaşlarda yenidən peyda olmasını gözləyir. Henrinin müxtəlif illərə gözlənilməz qayıdışları bəzən gülməli anlara, bəzən isə ciddi travmalara və faciəvi sınaqlara səbəb olur.

ABŞ istehsalı olan bu fantastik melodramı rejissor Robert Şventke 2009-cu ildə lentə alıb. Filmdə baş rolları Reyçel Makadams, Erik Bana, Arliss Hovard və Ron Livinqston canlandırıblar.