Cadugərlər

İnsanlar qədim zamanlardan bəri izah edə bilmədikləri hadisələri xeyir və şər fövqəltəbii qüvvələrin təsiri kimi qəbul edir, bu da tanrı və iblis inancını formalaşdırırdı. Orta əsrlərdə cadugər ovu dövrün ən qorxulu kütləvi təlaşlarından birinə çevrilmişdi.

«The Witches» filmi həmin dövrdə insanların şər qüvvələrlə əlaqədə necə asanlıqla ittiham olunduğunu nümayiş etdirir. Qadının qoca və eybəcər olması və ya əksinə, gənc və gözəl görünməsi şeytanla sövdələşmə ittihamı irəli sürmək üçün tam kifayət edirdi.

Qorxu, fentezi və komediya janrlarını birləşdirən bu əsər 1922-ci ildə Danimarka və İsveç kinematoqrafçıları tərəfindən istehsal olunub. Ekran işinin quruluşçu rejissoru Benyamin Kristensendir, əsas obrazları isə Maren Pedersen, Klara Pontoppidan, Elit Pio və Oskar Stribolt canlandırıb.