Dəyişmə

Məşhur aktyor Pak Kan çətin xasiyyətinə baxmayaraq böyük tələbat görür və şöhrət içində yaşayır. Onun saysız-hesabsız şıltaqlıqlarına dözən yeganə şəxs isə şəxsi meneceri Ço Yundur. Lakin növbəti sərxoş gecədən sonra taksidə yuxuya gedən ulduzun həyatı tamamilə alt-üst olur.

Səhər gözlərini açan Kan özünü ipoteka borcu olan adi bir mənzildə, ailəsi və iki övladı ilə birgə tapır. Ən qəribəsi isə odur ki, onun əvvəlki parlaq karyerasını və kino ulduzu statusunu keçmiş meneceri Ço Yun ələ keçirib.

Cənubi Koreya istehsalı olan «Dəyişmə» (Seuwichi) fantastik komediyasını 2023-cü ildə rejissor Ma De-yun lentə alıb. Əsas rolları Kvon San-u, O Con-se, Li Min-con və Pak So-i canlandırıblar.