İntiharlar: Bir sevgi hekayəsi

Həyatına qəsd edən Ziya adlı gənc yalnız intihar etmiş insanların düşdüyü qəribə bir o biri dünyaya gəlib çıxır. Bura əvvəlki həyatdan elə də fərqlənmir, sadəcə bir qədər daha cansıxıcı və ümidsizdir. Ətraf çirkli barlar və köhnə musiqi aparatları ilə doludur. Ziya yerli pitseriyada iş tapır və yeni mühitinə birtəhər uyğunlaşmağa çalışır.

Günlərin birində o, sevdiyi qızın da eyni addımı ataraq həyatına son qoyduğunu öyrənir. Bu xəbər hər şeyi alt-üst edir və Ziyanı hərəkətə keçməyə vadar edir. Keçmiş sevgilisini tapmaq məqsədilə o, axirət dünyasının yolları ilə uzun bir səfərə yola düşür.

«Wristcutters: A Love Story» filmi rejissor Qoran Dukiç tərəfindən ekranlaşdırılıb. 2006-cı ildə təqdim olunan ABŞ və Böyük Britaniya istehsalı olan bu fantastik melodramda baş rolları Patrik Fyuqit, Şey Uiqem, Şannin Sossamon və Tom Veyts canlandırıblar.