Şanslar var

Vaşinqtonda hüquqşünas kimi çalışan Lui Ceffrisin parlaq karyerası, sevimli xanımı Korinn və xoşbəxt ailəsi var idi. Lakin yolu keçərkən yüksək sürətlə hərəkət edən avtomobilin onu vurması hər şeyi bircə anda yarımçıq qoydu. Zərbə nəticəsində həyatını dərhal itirən Luinin ruhu göylərə yüksəldi.

Aradan keçən iyirmi il ərzində Korinn kədərindən ayrıla bilməyərək heç vaxt təkrar ailə qurmadı və keçmiş həyat yoldaşına sadiq qaldı. Günlərin birində Luinin ruhu gənc və yaraşıqlı jurnalist Aleks Finç simasında yenidən yer üzünə geri dönür.

ABŞ istehsalı olan «Chances Are» filmi 1989-cu ildə rejissor Emil Ardolino tərəfindən ekranlaşdırılmışdır. Bu fantastik melodramda əsas rolları Robert Dauni (kiçik), Sibill Şepard, Rayan O'Nil və Meri Stüart Masterson canlandırıblar.