Öncədən duyma

«Premonition» filmi evdar qadın Lindanın qəfil daxili narahatlıq hiss etməsi ilə başlayır. Qısa müddət sonra şəhər şerifi ona ərinin avtomobil qəzasında həlak olduğunu bildirir. Baş verənlərə inanmaqda çətinlik çəkən və böyük kədər içində qalan qadın növbəti səhər yuxudan oyanarkən həyat yoldaşını sağ-salamat qarşısında görür.

Linda bunun sadəcə qəribə bir hiss olmadığını tezliklə başa düşür. Zaman ardıcıllığı pozulur və günlər qarmaqarışıq şəkildə bir-birini əvəz etməyə başlayır. Qadın qarşıdan gələn faciənin qarşısını almaq və ərini xilas etmək üçün bu dolaşıq hadisələrin səbəbini tapmalıdır.

2007-ci ildə ABŞ-da çəkilmiş bu dramatik triller və detektiv filminin rejissoru Mennan Yapodur. Əsas obrazları Sandra Bullok, Culian Makmehon, Şayen MakKlyur və Kortni Teylor Berness canlandırıblar.